About the Journal

About the Journal

KONFЕRЕNSIYA HAQIDA

Konferensiya maqsadi. Global iqlim o‘zgarishi sharoitida oziq-ovqat havfsizligiga erishish uchun agrobioxilma-xillikni o‘rganish, saqlash va barqaror foydalanish jarayonidagi erishilgan zamonaviy yutuqlar, mavjud muammolar, ularni bartaraf etishda ilg‘or texnologiyalar hamda innovatsiyalardan foydalanish yo‘llarini muhokama qilish va fan yutuqlarini keng targ‘ib etishdan iboratdir.

Konferensiya tashkilotchilari:

  • O'simliklar genetik resurslari ilmiy-tadqiqot instituti (O’zbekiston).
  • Bioversity International va Xalqaro tropik qishloq xo’jaligi markazi alliansi.
  • Toshkent Kimyo-Texnologiya Instituti (O’zbekiston).
  • Bioquest Research Solutions (Hindiston).
  • AKG Global Support Services (OPC) Private Limited (Hindiston).

Konferensiyaning hamkor tashkilotchilari:

  • O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligida bilim va innovatsiyalar Milliy markazi.
  • Termiz agrotexnologiyalar va innovatsion rivojlanish instituti.
  • Buxoro davlat universiteti.
  • Shondun Fanlar Akademiyasining Ekologiya instituti (Xitoy Xalq Respublikasi).

Mazkur xalqaro konferensiyada O‘zbekistondan- Oliy ta’lim, fan va innovatsiyalar vazirligi tizimidagi 17 ta oliy ta’lim muassasalari, shuningdek, Xorazm Ma’mun Akademiyasi, O‘zbekiston Respublikasi Fanlar Akademiyasi tasarrufidagi Mikrobiologiya instituti, akad. O.S.Sadikov nomidagi Bioorganik kimyo instituti, akad. S.Yu.Yunusov nomidagi O‘simlik moddalari kimyosi instituti, Botanika instituti, Genetika va o‘simliklar eksperimental biologiyasi instituti; Qishloq xo‘jaligida bilim va innovatsiyalar Milliy markazi tizimidagi ilmiy tadqiqot institutlari va oliy ta’lim o‘quv yurtlari vakillari faol ishtirok etishdi.

Shuningdek, Nufuzli xorijiy hamkor tashkilotlardan- Integral Universiteti (Hindiston), Varshava universiteti (Polsha); Vengriya qishloq xo‘jaligi va tabiiy fanlar universiteti (Vengriya); Genetik resurslar instituti (Ozarbayjon), Ekologiya va tabiiy fanlar universiteti (Tailand), Qozog‘iston dehqonchilik va o‘simlikshunoslik ilmiy-tadqiqot instituti (Qozog‘iston), Shondun fanlar akademiyasining Ekologiya instituti (Xitoy Xalq Respublikasi), O‘simliklarni himoya qilish instituti (Belarus), O‘simliklar fiziologiyasi va genetikasi instituti (Ukraina) vakillari faol ishtirok etishdi.

Mazkur konferensiyada dunyoning 10 ta mamlakatlaridan jami 869 nafar, jumladan, O‘zbekiston (645 nafar), Hindiston (58 nafar), Belarus (34 nafar), Ukraina (27 nafar), Polsha (23 nafar), Xitoy (23 nafar), Vengriya (17 nafar), Qozog‘iston (17 nafar), Ozarboyjon (13 nafar), Taidland (12 nafar) magistrlari, tadqiqotchilari, professor o‘qituvchilari hamda olimlari onlayn shaklda ishtirok etishdi.

Konferensiya natijalari. Mazkur xalqaro konferensiyani tashkil etish va o‘tkazish davomida O‘simliklar genetik resurslari ilmiy-tadqiqot instituti (O‘zbekiston), Toshkent kimyo-texnologiya instituti (O‘zbekiston), Shandun Fanlar akademiyasi, Ekologiya instituti (Xitoy Xalq Respublikasi), Varshava Universiteti, Atrof muhit biologiyasi instituti (Polsha), Genetik resurslar instituti (Ozarbayjon), Ukraina milliy fanlar akademiyasining O‘simliklar fiziologiyasi va genetikasi ilmiy tadqiqot instituti (Ukraina), Qozog‘iston dehqonchilik va o‘simlikshunoslik ilmiy-tadqiqot instituti (Qozog‘iston), Bioquest Research Solutions, AKG Global Support Services (OPC) Private Limited kompaniyalari (Hindiston) o‘rtasida quyidagi uzoq muddatli, o‘zaro manfaatli hamkorlikka erishildi. Jumladan:

  • birgalikda seminarlar, konferensiyalar, amaliy mashg‘ulotlar, qisqa muddatli uzluksiz ta’lim dasturlari va boshqalarni tashkil etish;
  • birgalikda ilmiy tadqiqotlar olib borish;
  • ikki tomonlama va xalqaro qo‘shma ta’lim va ilmiy loyihalar tayyorlash;
  • o‘quv, ilmiy-uslubiy va ilmiy-tadqiqot materiallarini almashish, birgalikda tayyorlash va nashr ettirish;
  • o‘zaro manfaatli boshqa sohalarda hamkorlik qilish.

Shuningdek, O‘simliklar genetik resurslari ilmiy tadqiqot instituti hamkor tashkilotlar bilan birgalikda qisqa vaqt oralig‘ida, ya’ni 2023-2024 yillar davomida amalga oshiriladigan vazifalar yuzasidan samarali, o‘zaro manfaatli kelishuvlarga erishildi. Jumladan:

  • Hindistonning Bioquest Research Solutions va AKG Global Support Services (OPC) Private Limited kompaniyalari bilan birgalikda- O‘simliklar genetik resurslari ilmiy-tadqiqot instituti bilan hamkorlikda O‘zbekiston-Hindiston qo‘shma ilmiy grantlar tanlovida hamkorlikda loyihalar bilan ishtirok etish;
  • Xitoy Xalq Respublikasining Ekologiya instituti bilan hamkorlikda: O‘zbekiston-Xitoy qo‘shma ilmiy grantlar tanlovida hamkorlikda loyihalar bilan ishtirok etish;
  • Polshaning Atrof muhit biologiyasi instituti bilan hamkorlikda- Polsha davlati ilmiy-tadqiqot grantlari hamda Yevropa davlatlari ilmiy grantlar tanlovida hamkorlikda loyihalar bilan ishtirok etish;
  • Ozarbayjonning Genetik resurslar instituti bilan hamkorlikda- O‘zbekiston va Ozarboyjon hamda Turkiy davlatlar ilmiy grantlar tanlovida hamkorlik loyihalari bilan ishtirok etish;
  • Shuningdek, barcha hamkor ilmiy-tadqiqot institutlari bilan birgalikda: ilmiy stajirovkalar tashkil etish, ilmiy-tadqiqot manbalarini o‘zaro manfaatli almashinish, tadqiqot manbalarini yuqori aniqlikda tahlil qilish, hamkorlikda ilmiy maqollar va monografiyalar chop etish bo‘yicha o‘zaro hamkorlik bo‘yicha kelishuvga erishildi.

Bundan tashqari, mazkur konferensiya doirasida O‘simliklar genetik resurslari ilmiy tadqiqot instituti, Bioquest Research Solutions hamda AKG Global Support Services (OPC) Private Limited kompaniyalari o‘rtasida o‘zaro manfaatli hamkorlikka erishildi. Jumladan:

  • O‘simliklar genetik resurslari ilmiy tadqiqot instituti, Bioquest Research Solutions hamda AKG Global Support Services (OPC) Private Limited kompaniyalari ta’sischiligida sohaviy xalqaro ilmiy-texnik jurnal tashkil etish;
  • O‘simliklar genetik resurslari ilmiy-tadqiqot institutining 100 yilligi munosabati bilan hamkorlikda «O‘simliklar genetik resurslari ilmiy tadqiqot instituti: 100 yillik faoliyat, erishilgan yutuqlar va istiqboldagi muhim vazifalar» deb nomlangan xalqaro simpozium tashkil etish;
  • «O‘simliklar genetik resurslari ilmiy tadqiqot instituti: 100 yillik faoliyat, erishilgan yutuqlar va istiqboldagi muhim vazifalar» deb nomlangan xalqaro simpoziumning ilmiy materiallarini tayyorlash, retsenziyadan o‘tkazish va chop etishda hamkorlik qilish;

Konferensiya materiallari 4 ta xalqaro rasmiy saytlarida joylashtirildi: https://iuaat.wordpress.com/; http://tkti.uz/; https://akgglobals.com/; https://bioquestresearchsolutions.wordpress.com/; https://www.youtube.com/.

Mazkur nufuzli xalqaro konferensiya doirasida erishilgan natijalar O‘zbekiston va hamkor davlatlar o‘rtasidagi do‘stlik, ishonchli hamkorlik, bir necha ming yillik tarixiy, madaniy va ma’naviy rishtalarning yanada mustahkamlanishida hamda iqtisodiyotning turli sohalarida, jumladan, qishloq xo‘jaligi, biotexnologiya, oziq-ovqat va farmatsevtika tarmog‘ida ta’lim, fan va innovatsion ishlanmalarni amaliyotga keng joriy etishda muhim ahamiyat kasb etadi.