“Sahna nutqi fanini rivojlantirishda ustozlar merosini o‘rganishning dolzarb masalalari” nomidagi ushbu to‘plam 2023-2024-yillarda O‘zbekiston davlat san’at va madaniyat instituti Teatr san’ati fakulteti “Sahna nutqi” kafedrasida o‘tkazilgan ilmiy-amaliy seminarlar uchun tayyorlangan ma’ruzalar asosida yaratilgan.

Mazkur to‘plamda o‘zbek sahna nutqining tarixi, uning rivojlanishiga ulkan hissa qo‘shgan ustozlar faoliyati qalamga olindi. Shuningdek, sahna nutqining o‘ziga xos metodikasini va an’analarini davom ettirib kelayotgan professor-o‘qituvchilarning ishlari ham shogirdlar tomonidan  yozilgan maqolalari asosida bayon qilindi.

Sahna nutqi fanining kelajagi uchun xizmat qiladigan ushbu to‘plam kelgusida professor-o‘qituvchilarining hamda talabalarning faoliyatida, shuningdek aktyor va rejissorlar tarbiyalashda dasturilamal bo‘lib xizmat qiladi.