Biologiyaning zamonaviy tendensiyalari: muammolar va yechimlar mavzusidagi respublika ilmiy-amaliy konferensiyasi 2023-yil 25-noyabr kuni Termiz davlat pedagogika institutida o‘tkazilgan.

Mazkur to‘plamda Respublikamizning taniqli olimlari, mutaxassislar, doktorantlar, magistrlar, iqtidorli talabalar tomonidan biologiyaning hozirgi zamon nazariy va amaliy masalalari bo‘yicha keng qamrovda olib borilgan tadqiqot ishlarining hamda fan oldida turgan muammolar, ularning yechimiga qaratilgan tadqiqot natijalari keltirilgan. Bundan tashqari, tabiatdan foydalanish va ekologik xavfsizlikning dolzarb muammolari hamda biologiyani o‘qitish borasidagi tadqiqotlar tahlili, muammolari va yechimlariga ham keng o‘rin berilgan.

To‘plamda keltirilgan ilmiy tadqiqot ishlari natijalaridan tabiiy fanlar, xususan biologiya va uni o‘qitish metodikasi sohalaridagi mutaxassislar, ilmiy xodimlar, mustaqil izlanuvchilar, doktorantlar, magistrantlar va talabalar, oliy ta’lim, umumta'lim muassasalarining o‘qituvchilari foydalanishlari mumkin.

Tezis va maqolalarda keltirilgan tahliliy xulosa, axborot, raqamli ma'lumotlar va xatoliklar uchun mualliflar mas'uldirlar.